Инстаграм "илүү энгийн, илүү чөлөөтэй" байхыг уриалж, зөвхөн тухайн агшинд авсан зургаа ямар ч засваргүй хуваалцах "Instants" функцийг танилцууллаа. Энэхүү функцэд авсан зургаа хуваалцах найзуудаа сонгох боломжтой бөгөөд тухайн хүн харсан бол автоматаар алга болж дахин харагдахгүй юм. Тухайн Instants дээрх зургийг харсан хүмүүс react дарж, reply хийвэл энэхүү хариу үйлдэл нь бусад хүмүүст харагдахгүй шууд DM-ээр илгээгдэх аж. 

Энэхүү функцийн онцлог: 

• Зургаа авахаасаа өмнө тайлбар нэмэх боломжтой бол Instants-д орсны дараа ямар нэгэн засвар хийх боломжгүй. 
• Аюулгүй байдлыг хангах үүднээс энэхүү функцээр хуваалцсан зургийг Screenshot хийх болон Screen record хийхийг хориглосон. 
• Санамсаргүй зургаа илгээсэн бол "Undo" буюу буцаах товчийг дараад устгах боломжтой. 
• Таны хуваалцсан зургууд зөвхөн танд харагдах хувийн архивд 1 жил хадгалагдана. Үүгээр дамжуулан тухайн өдөр эсвэл долоо хоногийн дурсамжаа эмхэтгэж, "Recap" байдлаар Stories-доо хуваалцах боломжтой. 
• Хэрэв ирсэн Instants-уудыг харахыг хүсэхгүй бол "Snooze" хийж ирсэн зурвасынхаа хэсгийг цэгцлэх боломжтой. 

Мөн энэхүү функцийн камерыг илүү хурдан нээх зориулалттай апплекейшнийг зарим улсад туршиж байгаа аж. Уг апплекейшинд өөрийн инстаграм хаягаараа нэвтэрч орох бөгөөд аль нэг платформ дээр оруулсан зураг тань нөгөөд шууд харагдах юм байна. 

Эх сурвалж: Инстаграм

Сэтгүүлч: А.Дүүрэнбилэг