АНУ-ын Лас-Вегас хотын "MGM Grand Garden Arena"-д тавдугаар сарын 25-ны өдөр зохион байгуулагдсан 52 дахь удаагийн "American Music Awards" (AMA) шагнал гардуулах ёслолоос БНСУ-ын поп хамтлаг BTS "Song of the Summer 2026" төрөлд тэргүүллээ. Тэд энэ оны гуравдугаар сард гаргасан "SWIM" нэртэй сингл дуугаараа поп дуучин Тейлор Свифт, Харри Стайлс нарын өөр есөн уран бүтээлчийн шилдэг бүтээлүүдтэй өрсөлдөж, уг шагналыг авсан байна.

"American Music Awards"-ын "Song of the Summer" номинаци нь тухайн жилийн зуны улирлын хөгжмийн өнгө төрхийг тодорхойлох, хамгийн өндөр хүлээлттэй байгаа хит бүтээлийг фенүүдийн санал асуулгаар урьдчилан шалгаруулдгаараа онцлогтой. Хөгжмийн салбарт зуны улирлыг тусгайлан онцолж, тренд дууг тодруулах поп соёлын хэв маяг 1910-аад оны үеэс яригдаж эхэлсэн бөгөөд Billboard сэтгүүл 1958 оноос албан ёсны чартын системээр баримтжуулж ирсэн түүхтэй юм.

Тус хамтлаг энэ жилийн ёслолоос "Song of the Summer"-аас гадна хөгжмийн салбарын хамгийн нэр хүндтэй дээд шагнал болох "Artist of the Year" болон "Best Male K-Pop Artist" төрөлд давхар тэргүүлж, нийт гурван цомын эзэн боллоо. 

Эх сурвалж: American Music Awards