Монгол улсад шатрын Ази тивийн аварга шалгаруулах тэмцээн тавдугаар сарын 28-наас зургаадугаар сарын 7-ны өдрүүдэд зохион байгуулагдах бөгөөд өнөөдөр зургаа дахь өдрөө Улаанбаатар хотноо амжилттай үргэлжилж байна. 1998 оноос эхлэлтэй тус шатрын насанд хүрэгчдийн Ази тивийн аварга шалгаруулах тэмцээн нь Монгол Улсад анх удаа зохиогдож буй. 

21 дэх удаагийн Шатрын Ази тивийн аварга шалгаруулах тэмцээнд 26 орны нийт 248 тамирчин өрсөлдөж байгаа бөгөөд түүний 148 нь олон улсын цолтой дэлхийн чансааны шатарчид байгаа ажээ. Тодруулбал, Тэмцээнд их мастер 34, эмэгтэй их мастер 12, олон улсын мастер 51, эмэгтэй олон улсын мастер 20, ФИДЕ мастер эр, эм нийт 49, дэд мастер 18 оролцохоор мэдүүлэг өгсөн байна. 

Тус тэмцээнээс өнгөрсөн жилүүдэд буюу 2019, 2023, 2025 онд Монголын баг тамирчид тус тус гурван медаль хүртсэн юм. Тэгвэл энэ удаагийн тэмцээний нээлттэй ангиллын эхний таван байр, эмэгтэй ангиллын аварга шатарчин ирэх оны дэлхийн цомд оролцох эрхээ авах чухал тоглолтууд явагдах ажээ. 

21 дэх удаагийн тэмцээний бүх өргийг ухаалаг шатрын хөлөг (DGT board) ашиглан цахимаар шууд дамжуулж байгаа аж. Тэмцээнийг албан ёсны Asian Individual Chess Championship 2026, Монголын Шатрын Холбооны албан ёсны цахим хуудас болон youtube, Chess.com, Lichess платформоор олон улсын тайлбарлагчдын тайлбартай дэлхийн хаанаас ч шууд хүлээн авч үзэх боломжтой юм байна.

Эх сурвалж: Монголын Үндэсний Олимпын Хороо

Гэрэл зургийн эх сурвалж: Asian Chess Federation албан ёсны цахим хуудас