Өнөөдрөөс скүүтер, суррон, мопед, цахилгаан дугуй хөдөлгөөнд оролцож эхэллээ

Өнөөдрөөс эхлэн суррон, скүүтер, мопед болон цахилгаан дугуйнууд замын хөдөлгөөнд оролцож эхэлж байна. Үүнтэй холбогдуулан Нийслэлийн гэмт хэргээс урьдчилан сэргийлэх ажлыг зохицуулах салбар зөвлөлөөс хөдөлгөөнд оролцогчдын аюулгүй байдлыг хангах зорилгоор дараах зөвлөмжийг гаргажээ.

Тухайлбал, суррон буюу бартаат замын цахилгаан дугуйг мотоциклийн ангилалд албан ёсоор хамааруулж, унах насны доод хязгаарыг 18 байхаар тогтоосон байна. Ингэснээр замын хөдөлгөөнд оролцохдоо:

• Жолоодох эрхийн "А" ангиллын үнэмлэхтэй байх;
• Тээврийн хэрэгсэлд улсын бүртгэлийн дугаар, хоёр талын толь суурилуулсан байх;
• Насанд хүрсэн байх бөгөөд хамгаалалтын хувцас хэрэгслийг бүрэн өмссөн байх шаардлагатай.

Хэрэв дээрх шаардлагыг хангаагүй тохиолдолд Зөрчлийн тухай хуулийн дагуу иргэнийг 400 мянган төгрөгөөр торгохыг анхаарууллаа. Харин түрээсийн мопед, скүүтерийн тухайд 16 насанд хүрсэн иргэдэд үйлчлэхээр зохицуулжээ.

Иргэд та бүхнийг өөрийн болон бусдын амь нас, эрүүл мэндийг хамгаалж, замын хөдөлгөөндөө соёлтой оролцохыг уриалж байна.