Marvel Studios болон Sony Pictures хамтран бүтээсэн "Spider-Man: Brand New Day" кино долоодугаар сарын 31-нд дэлгэцнээ гарч, эхний амралтын өдрүүдийн байдлаар дэлхий даяар 927 сая ам.долларын тасалбар борлуулснаар кино урлагийн түүхэнд хоёр дахь том нээлтийн амжилтын эзэн боллоо. Тус бүтээл нь 225 сая ам.долларын үйлдвэрлэлийн өртгөө нээлтээ хийсэн даруйдаа бүрэн нөхсөн байна. Уг жагсаалтыг 2019 онд 1.2 тэрбум ам.долларын орлогоор нээлтээ хийж байсан "Avengers: Endgame" кино тэргүүлдэг хэвээр байгаа юм.

Олон улсын зах зээл дэх 73,000 гаруй дэлгэцээр цацагдаж, нийт 572 сая ам.долларын орлого төвлөрүүлсний дийлэнх хэсгийг Хятад улс 121 сая, Их Британи 49 сая ам.доллароор тус тус тэргүүлжээ. Үүний зэрэгцээ Хойд Америкийн зах зээлээс 335 сая ам.долларын ашиг олж, тус бүс нутагтаа түүхэн дэх хоёр дахь өндөр амжилтыг тогтоосон байна.

Жүжигчин Tom Holland болон Zendaya нарын гол дүрд нь тоглосон уг кино нь шүүмжлэгчдээс өндөр үнэлгээ авч, үзэгчдийн хүлээлтэд хүрээд байна. Marvel Studios-ын ерөнхийлөгч Kevin Feige уг нээлтийг кино театруудын хувьд онцгой үйл явдал хэмээн онцлон тэмдэглэж, бүтээлийг зорьж үзэж буй үзэгчдэд талархал илэрхийлжээ.

Эх сурвалж: BBC агентлаг