Мэргэжлийн боксын дөрвөн том холбооны нэг болох Дэлхийн боксын зөвлөл (WBC)-өөс тамирчдын тавдугаар сарын шинэчилсэн чансааг танилцууллаа. Тус чансаагаар Монгол Улсын Гавьяат тамирчин Эрдэнэбатын Цэндбаатар Super Featherweight буюу 58.967 кг / 130LB жингийн ангиллын ТОП 15-д эрэмбэлэгджээ. 

Тодруулбал, Э.Цэндбаатар нь АНУ-ын Мэрилэнд мужид Барбадосын тамирчин Кобиа Бридитэй тулалдан 10 үеийн турш давамгайлж ялалт байгуулснаар WBC Silver буюу "Мөнгөн бүс"-ийн эзэн болж ийнхүү дэлхийн чансааны ТОП-15-д бичигдэж, албан ёсоор дэлхийн аваргын төлөөх сорилго тулаануудад оролцох, цаашлаад дэлхийн аваргын бүсийн төлөө хүч үзэх боломжийг бүрдүүлж чадсан байна..

Эх сурвалж: WBC