Iphone болон Android утас хэрэглэгчид хоорондоо файл дамжуулах боломжтой боллоо

Google компани Quick Share системээ шинэчилж Apple-ийн Air Drop-ийг таньдаг болсноор Iphone болон Android утас хоорондоо файл болон зураг бичлэг чөлөөтэй солилцох боломжтой болжээ. Одоогоор зөвхөн Android Pixel 10 утсанд уг функц ажиллах хэдий ч удахгүй бусад загварын утсанд мөн адил нэвтрүүлэхээр ажиллаж байгаа аж. 

Энэхүү тохиргоог ашиглахын тулд AirDrop-ийг “Everyone for 10 Minutes” горим дээр тохируулах ёстой бол Pixel 10 загварын хэрэглэгчид Quick Share цэсэнд гарч ирсэн Apple-ийн төхөөрөмжүүдээс сонгож, файлаа илгээх эсвэл хүлээн авах боломжтой юм. Google компани энэхүү холболт нь зөвхөн хоёр талын төхөөрөмжийн хооронд л өгөгдөл урсана, тиймээс мэдээллийн аюулгүй байдал, нууцлалыг өндөр түвшинд хадгалах боломжтой хэмээн тайлбарласан байна.