Манай улсын хувьд 1995 оноос хойш энэ өдрийг албан ёсоор тэмдэглэж ирсэн билээ. Тус өдөр нь сувилагч нарын эрүүл мэндийн салбарт оруулж буй үнэлж баршгүй хувь нэмэр болон сувилахуйн салбарын нийгэмд гүйцэтгэх үүрэг, ач холбогдлыг тодотгох зорилготой аж.
Уг өдрийг тохиолдуулан Үндэсний статистикийн хорооноос өнгөрсөн таван жилийн хугацаанд улсын хэмжээнд эрүүл мэндийн салбарт гарсан орон тоон үзүүлэлтүүдийг танилцууллаа. Тус үзүүлэлтээс харахад, 2025 оны байдлаар улсын хэмжээнд эрүүл мэндийн байгууллагад нийт 16,093 их эмч, 15,099 сувилагч ажиллаж байна.
Үүнийг өмнөх онтой харьцуулбал, их эмч нарын тоо өсөж, хүртээмж нь сайжирч байгаа ч сувилагчдын тоо буурчээ. Ингэснээр нэг их эмчид ногдох хүний тоо дунджаар 214 бол нэг сувилагчид ногдох хүний тоо 228 байна. Мөн эмнэлгийн орны хүртээмж улсын хэмжээнд 2021 он буюу КОВИД-19-ийн үед 35,310 байсан бол 2022 оноос хойш тогтворжсоор 2025 онд 29,465 болжээ.
Эх сурвалж: Үндэсний статистикийн хороо
Сэтгүүлч: А.Дүүрэнбилэг
Сэтгэгдэл