Залуу уран бүтээлчдийн “Хотын чимээ” үзэсгэлэн наймдугаар сарын 30-ныг дуустал үзэгчдийн хүртээл болно

“ҮсэгТоо” уран бүтээлчдийн нэгдлийн “ХОТЫН ЧИМЭЭ” үзэсгэлэн 2026 оны наймдугаар сарын 30-ныг дуустал B Contemporary Art Gallery-д үзэгчдийн хүртээл болно. Тус үзэсгэлэнд долоон залуу уран бүтээлч өнөөгийн нийгэмд өдөр бүр тулгардаг асуудлууд, завгүй амьдралын хажуугаар бидний анзааралгүй өнгөрдөг нийгмийн эмзэг бүлгийн асуудлыг өөр өөрсдийн өнцөг, уран бүтээлээрээ илэрхийлжээ.

“Хотын чимээ” нь уран зураг, анимэйшн, гэрэл зураг, инсталляци, дизайн зэрэг дүрслэх урлагийн олон төрлийн арга, техникийг нэг дор нэгтгэсэн үзэсгэлэн юм. Долоон уран бүтээлч өөр өөрийн илэрхийллийн хэлээр дамжуулан хотын амьдрал, нийгмийн өнөөгийн дүр зураг, бидний өдөр тутам анзааралгүй өнгөрдөг асуудлуудыг хөнджээ.  Танд амралтын өдрөөрөө эсвэл үдийн завсарлагааны цагаар тус үзэсгэлэнгээр ороод, хотын бидний анзааралгүй өнгөрдөг “чимээ”-г уран бүтээлчдийн нүдээр сонсохыг санал болгож байна.