Монгол Улсын Ардын зураач Цагаандарийн Энхжаргал өөрийн олон жилийн бүтээл туурвилыг нэгтгэсэн уран бүтээлийн цомог номоо үзэгчдийн хүртээл болгож байна. Саяхан Ардын зураач хэмээх эрхэм дээд алдрыг хүртсэн түүний хувьд энэхүү ном нь хагас зуун жилийн хөдөлмөрөө тайлагнаж буй томоохон ажил юм. Энэхүү бүтээл нь Монголын дүрслэх урлагийн салбарт нэгэн шинэ өнгө төрхийг нэмж байна.
Энэхүү ном нь уран зургийн хэвлэл ийм л байх ёстой гэсэн өндөр стандартыг тогтоохын тулд олон жилийн хичээл зүтгэлээр бүтжээ. Зураачийн бүтээл дэх өнгө будгийн нарийн зохицол, "эрчимт" дүрслэлийг эх хувьтай нь хамгийн ойр буулгахын тулд хэвлэлийн технологийн бүхий л шатанд чанарыг эрхэмлэсэн байна. Ингэснээр зураачийн туулсан амьдрал, гэрэл сүүдэр, өнгөний эрх чөлөөг шингээсэн олон зуун бүтээлийг нэг дороос чанартай тольдох боломжийг үзэгчдэд олгож байгаа юм.
Ц.Энхжаргал зураачийн уран бүтээлүүд нь монгол ахуйг модернист хэв шинжээр баяжуулсан дахин давтагдашгүй ертөнц байдаг. Монгол уран зургийн номын чанар чансааг шинэ шатанд гаргасан уг бүтээл нь соёл, урлагийн өвийг хадгалан үлдэх чухал ач холбогдолтой юм.
