Netflix компани Warner Bros Discovery-гийн кино болон стрийминг бизнесийг 72 тэрбум ам.долларын үнээр худалдан авах тохиролцоонд хүрснээ зарлалаа.
Warner Bros нь Harry Potter, Game of Thrones зэрэг дэлхийд алдартай бүтээлүүдийг эзэмшдэг бөгөөд уг хэлцэл нь АНУ-ын кино, медиа салбарт томоохон өөрчлөлт авчрах төлөвтэй байгаа юм. Гэсэн ч шинжээчид тус хэлцэл өрсөлдөөний зохицуулагч байгууллагуудаас эсэргүүцэлтэй тулгарч магадгүй гэж анхааруулжээ.
Хэлэлцээрийн үнэлгээ нь Warner Bros-ын нэгж хувьцааг 27.75 ам.доллараар үнэлсэн бөгөөд компанийн нийт үнэлгээ нь өр, хөрөнгө зэргийг багтаан 82.7 тэрбум ам.долларт хүрч байгаа юм. Warner Bros-ын Гүйцэтгэх захирал Дэвид Заслав энэхүү шийдвэрийг "дэлхийн хоёр хамгийн нөлөө бүхий контентын компани нэгдэж буй үйл явдал" хэмээн онцолсон байна.
Түүнчлэн шинжээчдийн үзэж буйгаар энэхүү хэлцэл хэрэгжвэл кино үйлдвэрлэл, ТВ контентын хэмжээнд өөрчлөлт гарах, хэрэглэгчдийн хувьд Netflix-ийн үнэ нэмэгдэх магадлалтай байна.
