23 туршилтын судалгааны мета-шинжилгээгээр зурагт үзэх нь цадсан мэдрэмжийг сулруулж, илүү их хоол идэхэд хүргэдгийг тогтоожээ. Мөн “идэх үеийн амнези” гэх ойлголт байдаг бөгөөд энэ нь бид дэлгэц рүү анхаарах үед тархи саяхан идсэн хоолыг мартаж, идэхээ зогсоох дохиог сулруулдаг гэсэн үг юм.
Гэхдээ дэлгэцийн өмнө өнгөрүүлсэн бүх цаг ижил нөлөө үзүүлдэггүй. Зарим судалгаагаар уйтгартай зүйл үзэх нь сонирхолтой контентоос илүү их идэхэд хүргэдэг гэнэ. Өөрөөр хэлбэл та юу үзэж байгаагаас хамаарч хэр их идэх тань шийдэгдэнэ. Тэгэхээр хэрэв та ухамсартайгаар хооллож, порцоо хянахыг хичээж байгаа бол зурагт үзэж байхдаа идэхээс зайлсхий эсвэл үзэж эхлэхээсээ өмнө порцын хэмжээгээ шийдээрэй. Мөн идэж байгаа хоолондоо илүү төвлөрч, амт үнэрийг нь мэдэрч идвэл илүү ухамсартайгаар хооллоход туслах юм шүү!
