Монголын энтертайнмент технологийн салбарын хамгийн том уулзах цэг болох MET Expo хоёр дахь жилдээ амжилттай зохион байгуулагдаж байна. 2026 оны 5-р сарын 13–14-нд M Bank Arena-д болж буй энэхүү экспод 4,000 гаруй хүн бүртгүүлсний 500 гаруй нь улсын 21 аймгаас урлаг соёл, энтертайнмент технологийн чиглэлийн мэргэжилтнүүд биечлэн оролцож байгаа юм.
Арга хэмжээг нээж MET EXPO-гийн санаачлагч, D Light компанийн үүсгэн байгуулагч МУСТА П.Даваа "Энэхүү экспо нь энтертайнмент технологийн салбарын шинэлэг боломжууд, хамтын ажиллагаа, технологийн дэвшлүүдийг хуваалцаж, аль нэг газар, хувь хүн, байгууллага гэхээс илүүтэй салбарын хөгжил дэвшил, үр дүнтэй хамтын ажиллагааг нэмэгдүүлэх зорилготой зохион байгуулагдаж байна" гэсэн юм.
Мөн MET EXPO-гийн хамтран зохион байгуулагч, Уранган групп ХХК-н гүйцэтгэх захирал Л.Золбоо "Та бүхэн экспогоор зочлоод өнгөрөхөөс илүүтэй мэдлэг туршлага, боломжуудаа хуваалцаж, энтертайнмент технологийн сонин содныг бодитоор мэдэрч хоёр өдрийг үр бүтээлтэй өнгөрүүлж танилын хүрээлэл, хамтын ажиллагаагаа тэлнэ гэдэгт итгэлтэй байна" хэмээн хэлснээр MET EXPO 2026 хоёр дахь жилдээ амжилттай нээлээ.
Нээлтийн арга хэмжээнд морин хуурч Д.Шинэцог болон ятгачин МУГЖ Ч.Мөнх-Эрдэнэ нар оролцож тус экспог зорин ирсэн оролцогчдод маань уран бүтээлээрээ мэндчилгээ дэвшүүлсэн юм. Мөн арга хэмжээнд хүрэлцэн ирсэн хүндэт зочдын дундаас Үүрийн туяа хамтлагийн үүсгэн байгуулагч, ахлагч, ДБЭТ-ын орлогч дарга асан, ахмад тонмейстр, МУГЗ Д. Баатар, Монгол Улсын Төрийн соёрхолт, МУГЖ Д.Сосорбарам нар сэтгэгдлээ илэрхийлж уран бүтээлээ хүргэлээ.
Энэ жилийн экспогийн онцлог юу вэ?
- 12 чиглэлд үйл ажиллагаа явуулдаг 30 гаруй байгууллага өөрсдийн шинэлэг бүтээгдэхүүн, үйлчилгээ, боломжуудаа танилцуулж байна,
- Мэргэжлийн 6 чиглэлд танилцуулга сургалт зохион байгуулагдаж, олон улсын төлөөллүүд оролцож эхэлснээрээ шинэлэг боллоо,
- 21 аймгаас урлаг соёл, энтертайнмент технологийн чиглэлийн 500 гаруй мэргэжилтэн бүс нутгийн оролцоог онцлон харуулж байна,
- Мэдлэг туршлага, нөөц бололцоог хуваалцаж, салбарын хамтын ажиллагааг дэмжих платформ болж байна.
Дэлгэрэнгүй мэдээллийг МET EXPO 2026 веб хуудас, MET Expo фейсбүүк хаяг, болон +976 99192000 утсаар авах боломжтой.
Монголын энтертайнмент технологийн салбарын бүтээлч ирээдүйг хамтдаа бүтээцгээе!
