MEF Youth 2025 арга хэмжээ залуусын дуу хоолой, идэвх оролцоогоор цуурайтсан хагас өдрийн дараа уран бүтээлчдийн сэтгэл хөдөлгөм тоглолтоор өндөрлөлөө. Артист Davaidasha, NMN, The Compass хамтлагийн амьд хөгжмийн тоглолт залуусыг дахин нэгтгэж, “Итгэлцлийг сэргээх нь” гэх уриаг хөгжмийн аялгуунд шингээн мэдрүүлэв.

Өдрийн туршид болсон хэлэлцүүлэг, илтгэлүүд, бодлогын түвшний зочдын ухаалаг санаанууд нь зөвхөн мэдээлэл өгөх бус, залуусыг сэтгэлгээгээ өөрчлөхөд уриалсан, сэдэл өгсөн мөчүүд байлаа. MEF Youth бол зөвхөн нэг өдрийн арга хэмжээ биш харин залуусын ирээдүйд итгэх итгэлийг бэхжүүлдэг платформ юм. Энэхүү итгэлцэлд үндэслэсэн уур амьсгалыг хөгжмийн эцсийн аялгуу улам бататгаж, оролцогч бүрд “Би ч бас өөрчлөлтийн нэг хэсэг байж чадна” гэсэн итгэлийг үлдээв.