Чихэвчээ зүүгээд ганц дуу сонсоход бидэнд цаг хугацаагаар аялж, өөр ертөнцөд очиж буй мэт мэдрэмж төрөх нь бий. Харин арван жилийн турш үргэлжилж буй Stranger Things цувралын айдас төрүүлэм ч сонирхолтой ертөнцийг илэрхийлэн цувралын өгүүлэмж, чухал зангилаа бүрд торгон мэдрэмж нэмж, үзэгчдийг тухайн цаг үеэр аялуулахад 1980-аад оны домогт уран бүтээлчдийн дуунууд чухал үүрэгтэй байсан билээ.

Тэгвэл Sony Music Entertainment-ийн харьяа Legacy Recordings-оос цувралын таван бүлгийн дуунуудаас бүрдсэн “Stranger Things: Soundtrack from the Netflix Series, Season 5, Volume 1” цомгийг арван нэгдүгээр сарын 28-нд дижитал хэлбэрээр гаргасан бөгөөд Sony Music, Spotify зэрэг платформуудаас татаж авах боломжтой ажээ. Харин Volume 2 нь арван хоёрдугаар сарын 26-нд цацагдах бөгөөд Volume 1, 2 болон нэмэлт киноны хөгжмийг багтаасан Volume 3 бүрэн хэмжээний хувилбар нь 2026 оны нэгдүгээр сарын 1-нд цацагдах төлөвлөгөөтэй байна. Мөн нэгдүгээр сарын 30-наас эхлэн цувралын сүүлийн улирлын бүрэн хэмжээний цомгийг дижитал, CD, пянз болон кассет зэрэг олон төрлөөр худалдаалах ажээ.

Ийнхүү уг цуврал нь таван бүлэг үргэлжилсний эцэст төгсөж байгаа ч хүссэн үед тань Stranger Things-ийн ертөнцөд дахин аваачих дуунуудыг онцлон хүргэж байна.

1. The Clash - Should I Stay or Should I Go
2. Toto - Africa
3. The Police - Every Breath You Take
4. Cyndi Lauper - Time After Time
5. Limahl - Never Ending Story
6. Madonna - Material Girl
7. Kate Bush - Running Up That Hill
8. PSYCHEDELIC FURS - Pretty in pink 
9. Diana Ross - Upside Down
10. Tiffany - I Think We're Alone Now