Зүүн Азийн эрэгтэйчүүдийн волейболын аварга шалгаруулах тэмцээний дөрөв дэх өдрийн тоглолтууд АСА Аренад амжилттай зохион байгуулагдаж, шигшээ шатны өрсөлдөөн ширүүн өрнөлөө. Өчигдөр болж өнгөрсөн, хэсгийн шатны сүүлийн тоглолтуудын үр дүнгээр Өмнөд Солонгосын шигшээ баг хэсгээ тэргүүлж, Япон улсын шигшээ баг хоёроор гарсан бол Монгол Улсын шигшээ баг хэсгээ тэргүүлж, БНХАУ-ын шигшээ баг хоёроор гарсан билээ.
Шөвгийн 4 шатанд өнөөдөр Монгол Улсын шигшээ баг Япон улсын шигшээ багтай, Өмнөд Солонгосын шигшээ баг БНХАУ-ын шигшээ багтай учраа таарч, гал гарсан тоглолтуудыг үзүүлж, Зүүн Азийн эрэгтэйчүүдийн волейболын аварга шалгаруулах тэмцээний аваргын төлөө болон хүрэл медалийн төлөө өрсөлдөх багууд тодорхой боллоо. Энэ шатны эхний тоглолт болох Монгол Улс болон Япон улсын шигшээ багийн тоглолт 3:2 (27:25, 25:23, 25:23, 25:18, 15:12) харьцаатайгаар Япон улс ялалт байгуулж аваргын төлөө тоглох эрхээ баталгаажуулав. Манай улсын багийн хувьд Япон улсын багтай 5 ээлжийн тоглолт гаргасан нь ур чадвар, бэлтгэл сургуулилтын хувьд маш сайн байгаагийн илрэл юм.
Нөгөө талаас Өмнөд Солонгос болон БНХАУ-ын шигшээ багийн тоглолтод Өмнөд Солонгосын шигшээ баг 3:9 (25:21, 25:22, 25:20) харьцаагаар хожил авснаар финалд шалгарлаа.
Мөн өнөөдрийн тэмцээний эхний тоглолт болох Макао болон Хонгконгийн шигшээ багийн тоглолтын үр дүнгээр Макаогийн шигшээ баг энэ жилийн ЗААШТ-ийг 7-р байраар өндөрлүүлж байна. Маргааш Тайвань, Хонгконгийн шигшээ багууд 5-р байрын төлөө өрсөлдөх юм. Энэхүү өрсөлдөөн нь дэлхийн ранкаа анхиулахын төлөөх чухал тоглолт юм.
Маргаашийн тоглолтын хуваарь
Тэмцээний тав дахь өдөр буюу наймдугаар сарын 9-нд АСА Аренад медалийн төлөөх шийдвэрлэх тоглолтууд болж, 16:30 цагаас Монгол Улс, БНХАУ-ын шигшээ багууд хүрэл медалийн төлөө хүч үзнэ.
- 13:30 цагаас: Хонконг vs Тайвань (HKG vs TPE)
- 16:30 цагаас: Монгол Улс vs БНХАУ (MGL vs CHN)
- 19:30 цагаас: БНСУ vs Япон (KOR vs JPN)
Тоглолтын хуваарь болон үр дүнгүүдийн талаар бид цаг алдалгүй хүргэж байгаа билээ. Иймд уншигч та бүхэн бидэнтэй хамт байж, тэмцээний мэдээллээ цаг алдалгүй аваарай.
