Засгийн газрын өнөөдрийн ээлжит хуралдаанаар Үндэсний их баяр наадмын амралтын өдрүүдийн хуваарьт зохицуулалт хийх тухай асуудлыг хэлэлцэн шийдвэрлэлээ. Хөдөлмөрийн тухай хуульд зааснаар Үндэсний их баяр наадмаар долоодугаар сарын 10-наас 15-ныг дуустал албан ёсоор амардаг зохицуулалттай. Тэгвэл Засгийн газрын ээлжит хуралдаанаар энэ жилийн баяр наадмын эхний хоёр өдөр буюу долоодугаар сарын 11, 12-ны өдрүүд бямба, ням гарагт таарч байгаа тул уг хоёр хоногийн амралтыг дараагийн ажлын өдрүүд болох долоодугаар сарын 16-ны пүрэв, 17-ны баасан гарагт шилжүүлэхээр шийдвэрлэлээ.
Ийнхүү амралтын өдрүүдийг шилжүүлэн зохицуулснаар долоодугаар сарын 10-ны өдрөөс эхлэн тус сарын 19-нийг дуустал бүх нийтээрээ дараалан амрахаар болж байна. Энэхүү зохицуулалтын хүрээнд төрийн болон нутгийн захиргааны байгууллагууд, хувийн хэвшлийн аж ахуйн нэгжүүд долоодугаар сарын 20-ны даваа гарагаас эхлэн албан ёсны ажлын хуваарийн дагуу үйл ажиллагаагаа хэвийн үргэлжлүүлэх аж.
Баяр наадмын өдрүүдэд олон хоногоор үргэлжлэн амрах тул иргэд та бүхэн хөдөө орон нутагт зорчихдоо замын хөдөлгөөний аюулгүй байдлаа чанд сахиж, хурд хэтрүүлэхгүй байхыг уриалж байна.
Сэтгэгдэл