Өдөр тутмын амьдралын стресс, ажлын дарамт, сэтгэл гутрал зэрэг нөхцөлд ээжийнхээ дуу хоолойг сонсох нь хүний сэтгэл, бие махбодод эерэг нөлөө үзүүлдэг байна Тухайлбал, University of Wisconsin-Madison-ийн Хүүхдийн сэтгэл хөдлөлийн лабораторийн судалгаагаар ээжийнхээ дуу хоолойг утсаар эсвэл дэргэдээсээ сонсох нь стрессийн гормон болох кортизолын түвшнийг бууруулж, хайрын гормон буюу окситоциныг нэмэгдүүлдэг болохыг тогтоожээ.
Судалгаанд оролцогчид ээжийнхээ дуу хоолойг сонсох үед зүрхний цохилт болон сэтгэл санаа тогтворжиж, стресс мэдэгдэхүйц багассан байна. Харин зөвхөн мессеж бичиж харилцах үед ийм нөлөө үзүүлээгүй гэдгийг онцолжээ.
Иймд ажил, гэр бүл, суралцах зэрэг олон зүйлд дарамт шахалт ихтэй үед хэдхэн секунд ээжийнхээ дууг сонсох нь тайвшрал авчирч, сэтгэл зүйг тогтворжуулдаг энгийн бөгөөд үр дүнтэй арга юм. Тиймээс өдөр тутамдаа гэр бүлийнхэнтэйгээ холбоотой байж, ээжийнхээ халуун дулаан үсгийг сонсож байгаарай.
