Хэдхэн жилийн дараа гэхэд хөдөрмөрийн зах зээл дээр гурван хүн тутмын хоёр нь Gen Z болон Миллениал үеийнхэн байх төлөвтэй байна. Тэгвэл тэдний ажлын орчныг тодорхойлох гол хүчин зүйлс нь зөвхөн өндөр албан тушаал, карьер төдий биш илүү хувь хүн талдаа өсөж хөгжих боломжтой, өөрт нь илүү утга учиртай санагдах, мөн тогтмол орлогын эх үүсвэрийг нь дэмжсэн ажлын байрыг эрэлхийлдэг болохыг Делойт Глобал 2025 онд хийсэн судалгаандаа онцолжээ.

Gen Z үеийн 70%, Миллениал үеийн 59% нь ур чадвараа хөгжүүлэхийн тулд долоо хоногт дор хаяж нэг удаа ажлын бус цагаар, ажил эхлэхээс өмнө болон дараа үргэлж суралцдаг хэмээн хариулсан байна. Тэгвэл 44 орны 23,482 хүн оролцсон энэхүү судалгааны үр дүнд оролцогчдын 6% нь л ажлын байран дахь гол зорилгоо удирдах албан тушаалд хүрэх гэж тодорхойлсон бол үлдсэн хувь нь ажлын байран дээр амьдралын ухаанд суралцах нь жинхэнэ утгаараа хөгжих боломж хэмээн хариулсан байна.