Бид дуусгасан ажлаа хурдан мартдаг атлаа дуусгаагүй үлдээсэн зүйлээ хэдэн өдрийн турш бодсоор байдаг шүү дээ. Тэгвэл 1927 онд энэхүү үзэгдлийг ОХУ-ын сэтгэл судлаач Блюма Зейгарник "Zeigarnik Effect" хэмээн нэрлэжээ. Учир нь хүний тархи аливаа үйлдлийг дуусгах хүртэл түүнийг идэвхтэй төлөвт хадгалж, бидэнд байнга сануулсаар байдаг байна.
Энэхүү механизм нь биднийг ажлаа дуусгахад тусалдаг сайн талтай ч нөгөө талаараа стрессийн гол шалтгаан болдог байна Тархи дуусгаагүй ажлыг "шийдвэрлэгдээгүй асуудал" хэмээн хүлээн авдаг учраас амралтын цагаар ч гэсэн далд ухамсарт сануулга өгч, сэтгэл зүйн дарамт үүсгэдэг аж. Сонирхолтой нь бид ажлаа дуусгаж амжаагүй ч гэсэн хэрхэн дуусгах төлөвлөгөө гаргаж, тэмдэглэхэд тархи түүнийг "хяналтад орлоо" гэж үзээд тайвширдаг байна.
Хэрэв таны сэтгэл нэг л амарч өгөхгүй, ямар нэг зүйл санаанд чинь уяатай байвал энэ нь таны тархи дутуу үлдээсэн зүйлийг тань нэхэж буй хэрэг юм. Тиймээс ажлын өдрөө дуусгахдаа маргаашийн төлөвлөгөөгөө бичиж үлдээх нь тархиа “амралтын” горимд шилжүүлэх хамгийн энгийн арга юм шүү.
Сэтгэгдэл