Монгол үндэстний уламжлалт баяр Цагаан сарын битүүний өдөр буюу 2026 оны 02 дугаар сарын 17-ны ажлын өдрийг 02 дугаар сарын 28-ны амралтын өдөрт шилжүүлэн ажиллах талаар иргэдийн саналыг 2026 оны нэгдүгээр сарын 20-ны өдрийг хүртэл E-Mongolia системээр хүлээн авсан билээ. 

Тус санал асуулгын үр дүнд ойролцоогоор иргэдийн 75 хувь нь битүүний өдрийг амралтын өдөр болгохыг дэмжсэн байна. Иймд иргэдийн санал хүсэлт дээр үндэслэн Засгийн газрын өнөөдрийн хуралдаанаар 2026 оны хоёрдугаар сарын 17-ны мягмар гарагийн ажлын өдрийг амралтын өдөр болгон шилжүүлж, хоёрдугаар сарын 28-ны бямба гарагт нөхөж ажиллахаар шийдвэрлэлээ.

Эх сурвалж:  Монгол Улсын Засгийн Газар