“Хүн аалз” киноны түүх 1970-аад оны Николас Хаммондын цувралаас эхлэлтэй. Үүнээс хойш Питер Паркерын дүрийг Тоби Магуайр, Эндрю Гарфилд, Том Холланд нар амилуулж, уг цуврал олон шатны хувьсал өөрчлөлтийг туулсаар иржээ. Тэгвэл эдгээрээс онцгойрч, Майлз Моралесын түүхийг өгүүлдэг "Spider-Verse" анимейшний трилоги буюу гурвалсан зохиол болох "Beyond the Spider-Verse" 2027 оны зургаадугаар сарын 18-нд сүүлийн бүлгээ цацахаа зарласан бөгөөд энэхүү цувралаар Майлсын түүх төгсөж байгааг тус бүтээлийн зохиолч Фил Лорд, Крис Миллер нар CinemaCon арга хэмжээний үеэр мэдэгджээ.
Хэдийгээр Майлз Моралесын түүх өндөрлөж байгаа ч Sony Pictures "Beyond the Spider-Verse"-ийн дараа үзэгчдэдээ хүргэхээр гурван шинэ төслөө эхлүүлээд байгаа аж. Тодруулбал:
- "Across the Spider-Verse"-ийн хамгийн загварлаг дүр болох Хоби Брауны бие даасан кино “Spider-Punk” нэртэйгээр хийгдэж байгаа аж. Тус дүрд дуу оруулсан Оскарын шагналт жүжигчин Даниэль Калууя гол дүрд тоглохоос гадна киноны зохиол дээр биечлэн ажиллаж байгаагаараа онцлог юм.
- Эмэгтэй баатруудын нэгдэл буюу Гвен Стейси, Жессика Дрю болон Силк (Silk) нар гол дүрд нь тоглох “Spider-Woman” нэртэй бүрэн хэмжээний хүүхэлдэйн кино хийгдэж байгаа гэжээ.
- "Final Destination: Bloodlines"-ийн найруулагчид Том Хардигийн оролцоотойгоор насанд хүрэгчдэд зориулсан (R-rated) анимэйшн киног бүтээхээр ажиллаж байна.
- Мөн 2026 онд Доктор Октопусын ухамсар сургуулийн сурагч охины биед шилжсэн тухай өгүүлдэг "Octo-Girl" манга цувралын дөрөвдүгээр боть "Superior" нэрээр хэвлэгдэхээр төлөвлөгджээ.
Эх сурвалж: MCU News
Сэтгүүлч: А.Дүүрэнбилэг
