Marvel Studios "Avengers: Doomsday" киноныхоо анхны бүрэн трэйлерийг цацаж, Doctor Doom дүрийг албан ёсоор танилцууллаа. Тус кино 2026 оны арванхоёрдугаар сарын 18-нд нээлтээ хийх юм.
Marvel-ийн шинэ бүтээл "Avengers: Doomsday" нь 2019 оны Avengers: Endgame-ээс хойших Avengers багийн анхны бүрэн хэмжээний кино байх бөгөөд Marvel Cinematic Universe (MCU)-ийн шинэ томоохон үйл явдлыг эхлүүлэхээр болжээ.
Трэйлер үзэх:
Анхны трэйлерт Avengers, Fantastic Four, X-Men-ийн баатрууд нэгэн ертөнцөд нэгдэж, Marvel-ийн хамгийн алдартай эсрэг дүрүүдийн нэг Doctor Doom-тэй нүүр тулж буйг харуулсан байна. Онцлох үйл явдал нь Роберт Дауни Жуниор энэ удаа Iron Man биш, Doctor Doom-ийн дүрийг бүтээж буй явдал юм.
Кинонд мөн Крис Эванс, Крис Хемсворт, Педро Паскаль, Том Хиддлстон, Патрик Стюарт, Иэн Маккеллен зэрэг олон жүжигчин эргэн тоглох аж.
"Avengers: Doomsday" кино 2026 оны арванхоёрдугаар сарын 18-нд дэлхий даяар нээлтээ хийх бөгөөд дараагийн "Avengers: Secret Wars" киноны үйл явдлын эхлэлийг тавих юм.
Эх сурвалж: ABC News
