39 дэх удаагийн Үндэсний номын баяр тавдугаар сарын 15-17-ны өдрүүдэд уламжлалт ёсоор Сүхбаатарын талбайд зохион байгуулагдах гэж байна. Энэ удаагийн номын баяраар сэтгэлзүйн эрүүл мэнддээ анхаарахыг уриалж "Сэтгэл тэжээх 50 ном"-ыг танилцуулах юм байна.
Үндэсний номын баярыг 2007 оноос эхлэн “Номын ертөнц” нэвтрүүлгийн хөтлөгч, редактор Б.Сувдын санаачилгаар зохион байгуулж эхэлсэн бөгөөд өдгөө жил бүрийн 5,9 дүгээр сарын гурав дахь долоо хоногийн амралтын өдрүүдэд тогтмол зохион байгуулж байгаа билээ.
Жил ирэх тусам Үндэсний номын баяр цар хүрээгээ тэлсээр 2025 оны номын баярт ОХУ, БНХАУ, БНСУ-ын зохиолч, хэвлэн нийтлэгчид хүртэл оролцож байсан юм. Жил бүрийн номын баярт ойролцоогоор 300 мянган оролцогч, 200 хэвлэн нийтлэгч, 300 гаруй зохиолч, 10 улсын төлөөлөл оролцдог төдийгүй нийт зорин ирж буй хүмүүсийн 80 орчим хувь нь 30-аас доош насны залуучууд байдаг ажээ.
Сэтгэгдэл